Сумын Засаг даргын ажлын 100 дахь өдрөөр өдөрлөг зохион байгуулж Засаг дарга, түүний тамгын газар, төсвийн байгуулагуудаас энэ хугацаанд хэрэгжүүлсэн ажлаа тайлагнаж нэг цэгийн үйлчилгээ үзүүллээ. 16 насанд хүрсэн 3 хүүхэд иргэний андгай өргөж дурсгалын зүйл гардан авлаа. Мөн ИТХ-аас Засаг даргатай хамтарч боловсруулсан сумын нутаг дэвсгэр дэх уул уурхайн ААН-үүдийн талбай, тусгай хамгаалалттай газар нутгийн хил хязгаар, худаг, өвөлжөө, хаваржаа, түүх соёлын дурсгалт газрын байршлыг харуулсан суурь судалгааны зураглал, сумын малын им, тамганы гарын авлагыг танилцууллаа. Өдөрлөгөөр сүү, цагаан идээний үзэсгэлэн худалдаа болж иргэд өргөнөөр үйлчлүүлэв.