Аймгийн ГХУСАЗЗ-өөс 2017 оны 11-р сарын 22-ний өдөр Хулд суманд зохион байгуулсан "Мал хулгайлах гэмт хэргээс урьдчилан сэргийлэх ажилд малчдын оролцоо" сэдэвт баруун бүсийн зөвлөгөөнд сумын ГХУССЗ-ийн дарга, нарийн бичгийн дарга, цагдаагийн хэсгийн төлөөлөгч Р.Мөнхбат, 3-р багийн малчин Р.Мөнхтөгс, 4-р багийн малчин Ж.Чимэг, 5-р багийн малчин Д.Цэцэгбаяр, Ц.Долгормаа нарын 4 малчны бүрэлдэхүүнтэй оролцож ирлээ. Аймгийн хэмжээнд мал хулгайлах гэмт хэрэг сүүлийн жилүүдэд огцом өсч буйтай холбогдуулан зохион байгуулсан тус зөвлөгөөнөөр малын хулгайгаас урьдчилан сэргийлэхэд малчид хэрхэн оролцох, хамтарч ажиллах, бүлэг, нөхөрлөл болох зэрэг олон асуудал, саналуудыг зөвлөгөөнд оролцогч малчид гарган зөвлөгөөнөөс гарах уриалгад орууллаа. Тус зөвлөгөөнд сумын ГХУССЗөвлөлөөс 2017 онд хийж хэрэгжүүлсэн ажлын талаар мэдээлэл бэлтгэж танилцуулсан.